მედიკამენტი „ჯივინოსტატი“ თბილისში მომდევნო კვირის დასაწყისში იქნება. ამის შესახებ ჯანდაცვის მინისტრმა სამინისტროში, დიუშენის მქონე ბავშვების მშობლებთან ერთად გამართულ ბრიფინგზე განაცხადა.მისი თქმით, მანამდე იყო ინტენსიური მოსამზადებელი სამუშაოები, აღირიცხა მონაცემები პაციენტების შესახებ, შეიქმნა რეგისტრი, ქართველ ექიმებს კი უცხოელმა სპეციალისტებმა ტრენინგი ჩაუტარეს და უკვე ყველაფერი მზადაა, რომ მაქსიმალურად მალე დაიწყოს მედიკამენტის გამოყენება რეალურ პრაქტიკაში.მინისტრმა მშობლების სახელით მადლობა კომპანია მწარმოებელ კომპანია „იტალფარმაკოს“ კარგი თანამშრომლობისთბის. მიხეილ სარჯველაძის თქმით, მომავალში გაიმართება არაერთი გლობალური ღონისძიება, რომელიც იშვიათი დაავადებების მედიკამენტებს შეეხება და იქაც ქართულ იმხარე ბევრს ისაუბრებს ამ წარმატებული თამანშმეოლობის შესახებმედიკამენტ „ჯივინოსტატის“ შეძენაზე ხელშეკრულების გაფორმების შესახებ უწყებამ 31 ივლისს განაცხადა. მაშინვე ითქვა, რომ პრეპარატს ბავშვები, სავარაუდოდ, სექტემბრიდან მიიღებდნენ.მედიკამენტი განკუთვნილია დიუშენის კუნთოვანი დისტროფიის პაციენტებისთვის 6 წლის ასაკიდან გადაადგილების უნარის შენარჩუნებამდე.მთავრობის ინფორმაციით, საქართველო მსოფლიოში ერთ-ერთი პირველი ქვეყანა იქნება, რომელიც ამ მედიკამენტს შეიძენს და დაავადების მართვის სახელმწიფო პროგრამაში შეიტანს.
მიმდინარე წლის აგვისტოში ჯანმრთელობის დაცვის ჯგუფში, წინა წლის იგივე პერიოდთან შედარებით, ფასები 5.2 პროცენტით გაიზარდა, საიდანაც ზრდის ყველაზე მაღალი ტემპი (8.7 პროცენტი) სამედიცინო პროდუქციის, აპარატურისა და მოწყობილობის ჯგუფზე მოდის. საქსტატის დეტალურ მონაცემებში პრეპარატების ფასების ცვლილებაცაა მოცემული. ფასები გაზრდილია შემდეგი ჯგუფის პრეპარატებზე:სისხლძარღვთა გამაფართოებელი მედიკამენტები - თითქმის 12%;ტკივილგამაყუჩებელი მედიკამენტები - 2%;ანტიბიოტიკები - 14%;ვიტამინები - 4%;საჭმლის მომნელებელი სისტემის პრეპარატები - 5%;ანთების საწინააღმდეგო პრეპარატები - 9%. ზოგადად კი, 2026 წლის აგვისტოში წინა თვესთან შედარებით ინფლაციის დონემ საქართველოში 0.4 პროცენტი, ხოლო წლიური ინფლაციის დონემ 5.6 პროცენტი შეადგინა.
მომდევნო 3–5 წლის განმავლობაში machine learning-ის (მანქანური სწავლება - AI-ის ნაწილი) გამოყენებამ შესაძლოა მედიკამენტების შექმნის დრო და ხარჯები გაანახევროს. ამ თემაზე სტატიას Reuters-ი აქვეყნებს და წერს, რომ ფარმაცევტული კომპანიები ხელოვნურ ინტელექტს განსაკუთრებით ახალი მედიკამენტების აღმოჩენისა და განვითარების პროცესში სულ უფრო აქტიურად ნერგავენ. მთავარი მოტივაციაა ახალი წამლების უფრო სწრაფად და იაფად შექმნა. AI რამდენიმე მიმართულებით გამოიყენება. მათ შორისაა ახალი სამიზნეების აღმოჩენა — AI დიდი მოცულობის ბიოლოგიურ და გენეტიკურ მონაცემებს აანალიზებს იმის დასადგენად, რომელი ცილა, გენი თუ ბიოლოგიური მექანიზმი შეიძლება გახდეს ახალი პრეპარატის სამიზნე. მოლეკულების დიზაინი — ალგორითმები ეხმარება მკვლევრებს ისეთი მოლეკულების შერჩევასა და შექმნაში, რომლებსაც შესაძლოა სასურველი სამკურნალო ეფექტი ჰქონდეთ. კლინიკური კვლევების დაგეგმვა — AI-ს შეუძლია მონაცემების ანალიზი და პაციენტების შერჩევის პროცესის გაუმჯობესება, რაც კვლევების დაჩქარებას უწყობს ხელს. ავტომატიზებული ლაბორატორიები — რობოტიზებული სისტემები და AI ერთად გამოიყენება ექსპერიმენტების უფრო სწრაფად და დიდი მასშტაბით ჩასატარებლად.სპეციალისტების თქმით, ინდუსტრიის პროგნოზები საკმაოდ ამბიციურია: შემდეგი 3–5 წლის განმავლობაში machine learning-ის გამოყენებამ შესაძლოა ადრეული ეტაპის წამლის განვითარების დრო და ხარჯები განახევროს. ეს მნიშვნელოვანია, რადგან ახალი წამლის შექმნა ტრადიციულად ძალიან ხანგრძლივი, ძვირი და მაღალი რისკის პროცესია. AI-ის იდეა არის, რომ კომპანიებმა უფრო ადრე დაადგინონ - რომელი კანდიდატი იმუშავებს და რომელი — არა, ანუ წარუმატებელ პროექტებზე ნაკლები დრო და ფული დახარჯონ.ფარმაცევტულ კომპანიებს AI-ში მარტო საკუთარი ძალებით ინვესტირება არ სურთ. ისინი აქტიურად აფორმებენ პარტნიორობის ხელშეკრულებებს AI-კომპანიებთან, ბიოტექებთან და ტექნოლოგიურ კომპანიებთან. ანუ ინდუსტრიაში მიდგომა იცვლება: AI აღარ განიხილება მხოლოდ როგორც დამხმარე პროგრამა, არამედ როგორც წამლის აღმოჩენისა და განვითარების პროცესის ერთ-ერთი ძირითადი ტექნოლოგია.სააგენტოს მოჰყავს Pfizer-ის მაგალითი, რომელიც აქტიურად ნერგავს AI-ს წამლების აღმოჩენისა და განვითარების პროცესის დასაჩქარებლად. Reuters-ს ასევე მოჰყავს ფარმაცევტული გიგანტის 2025 წლის იანვრის შეთანხმება AI-ბიოტექ კომპანია PostEra-სთან, რომლის პოტენციური ღირებულება $610 მილიონამდეა.შეთანხმების შედეგად გაფართოვდა თანამშრომლობა ახალი წამლების, მათ შორის ანტისხეულ-წამლის კონიუგატების შესაქმნელად. Pfizer-ი PostEra-ს AI პლატფორმას Proton-ს წამლების მოლეკულების დიზაინისა და ოპტიმიზაციისთვის იყენებს.
პოლონურმა ფარმაცევტულმა კომპანიამ Celon Pharma-მ განაცხადა, რომ მის მიერ შემუშავებულმა ექსპერიმენტულმა სემაგლუტიდის პრეპარატმა Reduzek-მა ადრეული ეტაპის ბიოეკვივალენტობის კვლევაში ისეთი შედეგები აჩვენა, რომლებიც Novo Nordisk-ის Ozempic-სა და Wegovy-ს შეესაბამება. თემაზე Reuters-ი წერს და აღნიშნავს, რომ კვლევა ჩატარდა კანადაში 91 ჯანმრთელ მოხალისეზე, რომლებსაც Reduzek-ის 0.5 მგ დოზა მისცეს. კვლევამ აჩვენა, რომ ორგანიზმში პრეპარატის შეწოვის სიჩქარე და რაოდენობა შედარებადი იყო Ozempic-სა და Wegovy-სთან. სწორედ ამას ეწოდება ბიოეკვივალენტობა — ანუ პრეპარატი ორგანიზმში არსებითად მსგავსად იქცევა, როგორც ორიგინალი პრეპარატი. Celon Pharma ამ კვლევას მნიშვნელოვან ნაბიჯად მიიჩნევს საკუთარი სტრატეგიისთვის, რომლის მიზანიც სემაგლუტიდის ეკვივალენტური პრეპარატის მსოფლიო ბაზრებზე გამოყვანაა. სიახლის გამოქვეყნების შემდეგ Celon Pharma-ს აქციების ფასი 14.7%-ით გაიზარდა. Celon Pharma-ს პორტფელში, სემაგლუტიდის პროექტის გარდა, შედის ისეთი პრეპარატები, როგორიცაა Aromek — სიმსივნის საწინააღმდეგო პრეპარატი და Donepex — ალცჰაიმერის დაავადების სამკურნალო საშუალება. კვლევა ჯერ არ ნიშნავს, რომ Reduzek უკვე დამტკიცებული ან ბაზარზე გასული Ozempic-ის გენერიკია. კვლევამ ამ ეტაპზე აჩვენა ბიოეკვივალენტობა კონკრეტულ დოზაზე ჯანმრთელ მოხალისეებში. შემდეგ საჭიროა შესაბამისი მარეგულირებელი პროცედურების გავლა, რათა პრეპარატი სხვადასხვა ბაზარზე გაიყიდოს.ნიშნავს თუ არა ეს იმას, რომ პოლონური კომპანიის მედიკამენტი უკვე არსებულ პრეპარატებზე - „ოზემპიკსა“ და „ვეგოვიზე“ იაფი იქნება - ჯერჯერობით პროგნოზები არ კეთდება.
NCDC-ს თანამშრომლებმა ქიმიურ, ბიოლოგიურ, რადიაციულ და ბირთვულ ინციდენტებზე რეაგირების საველე სწავლებაში მიიღეს მონაწილეობა
Medtronic-მა ფინანსური პროგნოზები გააუმჯობესა - მიზეზი კარდიოლოგიური ტექნოლოგიების ბაზრის ზრდაა
ახალ ამბებზე მეტად ინტერნეტ-მომხმარებლებს ჯანმრთელობასთან დაკავშირებული საკითხები აინტერესებთ - საქსტატი
საქართველო მსოფლიოში ერთადერთი ქვეყანაა, სადაც 45 წლის ასაკის ჩათვლით პაპილომავირუსის აცრას სახელმწიფო აფინანსებს
ჯანმრთელობის დაცვის ჯგუფში ერთ წელიწადში ფასები 5.2 პროცენტით გაიზარდა
