29 აპრილს PSP ფარმას სადისტრიბუციო საწყობს ევროპული ბიზნეს ასოციაციის (EBA) წევრები ესტუმრენ. PSP ფარმამ GDP სტანდარტის შესაბამისობის აუდიტი უკვე მეორედ, წარმატებით გაიარა და მიენიჭა „კარგი სადისტრიბუციო პრაქტიკის“ შესაბამისობის სერტიფიკატი.„Good Distribution Practice“ – „კარგი სადისტრიბუციო პრაქტიკის“ სტანდარტის დაცვა უზრუნველყოფს სამკურნალო საშუალებების გარანტირებული ხარისხის შენარჩუნებას მიწოდების ჯაჭვის ყველა ეტაპზე, საწარმოდან აფთიაქამდე და საბოლოოდ მომხმარებლამდე.EBA ევროპული ბიზნეს ასოციაცია (EBA) წევრობაზე დაფუძნებული ორგანიზაციაა, რომელიც მხარს უჭერს ევროპულ ბიზნესებს საქართველოში და პროაქტიულად არის ჩართული ყველა იმ პროცესში, რომელიც ხელს უწყობს ინვესტიციებისა და ბიზნესის განვითარებისთვის ღია და ხელმისაწვდომი გარემოს შექმნას.ევროპული ბიზნეს ასოციაცია საქართველოში 2017 წლიდან ფუნქციონირებს და აერთიანებს 100-ზე მეტი წევრ კომპანიას, მათ შორის არიან სხვადასხვა სექტორის მსხვილი კომპანიები, როგორიცაა საბანკო საქმე, აუდიტი, მედიცინა, ფარმაცია, დაზღვევა, ტურიზმი, სტუმართ-მასპინძლობა, სამართალი, სოფლის მეურნეობა, წარმოება და ა.შ., ასევე მცირე და საშუალო ბიზნესის წარმომადგენლები, რომლებიც იზიარებენ ევროპულ ღირებულებებს.ასოციაციის წევრი კომპანიების წარმომადგენლებმა და ასოციაციის მმართველმა გუნდმა დაათვალიერეს PSP ფარმას საწყობი. PSP-ს ადმინისტრაციულმა დირექტორმა, მამუკა ბრეგვაძემ სტუმრებს გააცნო საწყობის სტრუქტურა, მედიკამენტების და პარაფარმაცევტული პროდუქტების მიღება, დახარისხება, დასაწყობება, შეკვეთის ფორმირება, კონტროლი და გაცემის პროცესების მართვის სისტემები და პრინციპები; ხარისხის უზრუნველყოფის მიზნით დანერგილ ციფრულ და თანამედროვე ტექნოლოგიურ ინოვაციები, საწყობის GDP სტანდარტის შესაბამისად მოწყობისა და მართვის მეთოდები.PSP-ს ადმინისტრაციული დირექტორის მოადგილემ გიორგი გლუნჩაძემ სტუმრებს მოკლედ კომპანიის 30 წლიანი ისტორია და მიღწევები გააცნო.სტუმრებმა მაღალი შეფასება მისცეს საერთაშორისო სტანდარტით მოწყობას, საწყობის ციფრულ და ტექნოლოგიურ აღჭურვას. ევროპული ბიზნეს ასოციაციის პრეზიდენტმა ჯონ ბრაეკეველდტმა ხაზი გაუსვა, რომ „ევროპული სტანდარტების და ღირებულებების დანერგვა მნიშვნელოვანია ქართველი ხალხისთვის, მომხმარებლებისთვის, რადგან ამ საწყობის დათვალიერებით ჩვენ დავრწმუნდით, რომ მომხმარებელი უსაფრთხო პროდუქტს იღებს.“უკვე 30 წელია, PSP-ს მთავარი პრიორიტეტი მომხმარებელზე ზრუნვა და მისთვის ჯანმრთელობისა და სილამაზის გარანტირებული ხარისხის პროდუქტებზე ხელმისაწვდომობის გამარტივებაა. ამის უზრუნველსაყოფად, მუდმივად ხდება ფიზიკური, გეოგრაფიული და ფინანსური ხელმისაწვდომობის გამარტივება, პროცესების სრულყოფა, საერთაშორისო წარმატებული გამოცდილების გაზიარება. ამის დასტურია GDP სტანდარტის შესაბამისობაზემეორედ წარმატებით გავლილი საკონტროლო აუდიტი და შესაბამისობის სერტიფიკატის კვლავ მინიჭება.
წონის კლების ინექციები მსოფლიოს იპყრობს - სპეციალისტები კი ამ ტენდენციის გვერდით, საშიშ მოვლენებზე საუბრობენ.თემაზე თურქული გამოცემა medimagazin.com წერს და აღნიშნავს, რომ ამ მეთოდმა პოპულარობა სოციალური ქსელებისა და ცნობილი ადამიანების დამსახურებით მოიპოვა, თუმცა უკონტროლო გამოყენების შედეგად ეს ინექციები სერიოზული გვერდითი ეფექტების მაჩვენებლით პირველ ადგილზე გავიდა. ამ გვერდით მოვლენებს შორისაა კუნთოვანი მასის დაკარგვა სახეზე, ხელებსა და ფეხებზე, ასევე სახის „ჩამოშლა.“თუმცა საფრთხე ამით არ შემოიფარგლება. ექსპერტები ამბობენ, რომ წონის კლების ინექციების უკონტროლო გამოყენება გზას უხსნის ისეთ სერიოზულ პრობლემებს, როგორებიცაა გულის რითმის დარღვევა, საჭმლის მომნელებელი სისტემის პრობლემები, კუჭის ტკივილი, კუნთების ატროფია და სხვა. ამ პრეპარატების სპეციალისტის ზედამხედველობის გარეშე გამოყენება უკავშირდება ისეთ რისკებს, როგორიცაა შაქრის დისბალანში სისხლში და კუჭქვეშა ჯირკვლის ფუნქციების გაუარესება. ენდოკრინოლოგის, პროფესორ ელა კესკინის თქმით, წონის კლების ინექციების უკონტროლო გამოყენება იწვევს „ჩამოკიდებული“ სახის ფორმას, რომელსაც უკვე ეწოდა „ოზემპიკის სახე.“„ამ ინექციებმა შესაძლოა, გამოიწვიოს კუნთების უეცარი დაშლა, შაქრის დაბალი დონე სისხლში და საჭმლის მომნელებელი სისტემის პრობლემები,“ - განაცხადა სპეციალისტმა. ასევე არსებობს რისკი, რომ ინექციებს შეუძლია გულის რითმის სიხშირის გაზრდა და არითმიის გამოწვევა.კარდიოლოგის, პროფესორ ფათიჰ მეჰმეთის განცხადებით, წონაში კლების ინექციების გამოყენებამ შესაძლოა გამოიწვიოს წნევის კლება და გულის შეკუმშვების სიხშირის გაზრდა. ამიტომ ექსპერტების მოწოდებაა, აიკრძალოს ამ ინექციების რეცეპტის გარეშე გაყიდვა. მათი თქმით, ამჟამად აღნიშნულ მედიკამენტებს ხშირად სხეულის წონისა და ჯანმრთელობის მდგომარეობის გათვალისწინების გარეშე, შეუსაბამო დოზებით, უკონტროლოდ იღებენ. ამან კი, შესაძლოა, გააუარესოს პაციენტის როგორც ვიზუალური მხარე, ისე მისი ჯანმრთელობის მდგომარეობა. „ოზემპიკი“ საქართველოშიც პოპულარული მედიკამენტია. იმ შემთხვევაში, თუ მას პაციენტი აფთიაქის საშუალებით შეუკვეთავს, რეცეპტის ქონა აუცილებელია, თუმცა „შავ ბაზარზე“ მისი შოვნა თავისუფლად, რეცეპტის გარეშეა შესაძლებელი. პრეპარატის ღირებულება 450 ლარამდეა.
Pfizer-ი ჭარბი წონის სამკურნალო აბების კვლევას აჩერებს - მიზეზი ღვიძლის დაზიანების საფრთხეა. ფარმაცევტული გიგანტი Pfizer-ი გეგმავდა თავისი პრეპარატის კვლევის ახალ ეტაპზე გადატანას, თუმცა ეს გეგმები მას შემდეგ გადაიდო, რაც კლინიკურ კვლევებში მონაწილე პაციენტს ღვიძლის დაზიანება აღენიშნა და ექიმებმა ივარაუდეს, რომ ეს ცვლილელები პრეპარატის მიღებას უკავშირდება.ამერიკულმა კომპანიამ განაცხადა, რომ ექსპერიმენტული პრეპარატი დანუგლიპრონი დღეში ერთხელ მიიღება, თუმცა ახლა მკვლევრები პაციენტებისთვის ოპტიმალური დოზის განსაზღვრაზე მუშაობენ.Pfizer-ი აპირებდა, მედიკამენტი ტესტირების გვიანდელ სტადიაზე გადაეყვანა, რომელიც, როგორც წესი, გამოცდის ბოლო, ყველაზე ძვირადღირებული საფეხურია მანამდე, ვიდრე კომპანია მას სახელმწიფო მარეგულირებელ ორგანოს დასამტკიცებლად წარუდგენს. Pfizer-ი გეგმავს, ჭარბი წონის სამკურნალო სხვა მეთოდებიც შეიმუშაოს, რომლებიც ტესტირების ადრეულ ეტაპზეა. ფარმაცევტული კომპანიებისთვის სიმსუქნის მკურნალობა ერთ-ერთი ყველაზე პერსპექტიული და მომგებიანი სექტორია. მაგალითად, კომპანია Eli Lilly-ს Zepbound-ი, რომლის გაყიდვებიდანაც მწარმოებელი 2024 წლის მონაცემებით (რომელიც პრეპარატის ბაზარზე არსებობის პირველი სრული წელიწადია), 5 მილიარდი დოლარის მიღებას ვარაუდობს. მკურნალობის წამყვანი მეთოდები, როგორიცაა Novo Nordisk-ის Zepbound და Wegovy, ინექციის საშუალებით კეთდება. ამიტომ მწარმოებლები ცდილობენ ისეთი პრეპარატების შექმნას, რომელთა მიღება უფრო მარტივადაა შესაძლებელი. ეს იმ პაციენტებისთვის კეთდება, რომლებსაც ინექციების კეთება არ სურთ.ახლახანს Lilly-მ და Novo-მ განაცხადეს ფასების შემცირების შესახებ, თუმცა ჭარბი წონის მკურნალობისთვის საჭირო თვიური დოზები ჯერ კიდევ ასობით ევრო ჯდება.
კურასეპტი PSP-ს ექსკლუზიური პარტნიორი და ევროპაში პირის ღრუს მოვლის „ოქროს სტანდარტად“ აღიარებული იტალიური ბრენდია. ყოველწლიურად PSP-სა და კურასეპტის პარტნიორობით სპეციალისტებისთვის - სტომატოლოგების, პაროდონტოლოგებისა და იმპლანტოლოგებისთვის სხვადასხვა ტიპის საგანმანათლებლო და შემეცნებით-გასართობი ღონისძიებები ტარდება.კურასეპტი სპეციალიზირებულია როგორც პირის ღრუს ყოველდღიურ მოვლაზე ასევე სამკურნალო მიმართულების განვითარებაზე, პირის ღრუს ჰიგიენაზე ზრუნვის ქიმიური და მექანიკური საშუალებების მრავალფეროვანიასორტიმენტის ხაზებით, მათ შორის ჩვილის ბუნებრივ ინგრედიენტებზე დამზადებული ღრძილების მასაჟორებისა და გელებიდან დაწყებული, ბავშვის და მოზარდების ჯუნიორ სავლებით, ყოველდღიური და სპეცილაური მოვლისსაშუალებებით ზრდასრულებისთვის და იმპლანტის შემდგომი სავლებით.წამყვანი იტალიური კომპანიის წარმომადგენლებმა, პარტნიორ ქართულ კომპანია PSP Pharma-ს და საქართველოს იმპლანტოლოგიისა და პარადონტოლოგიის საზოგადოების წარმომადგენლებთან ერთად, საგანმანათლებლო და შემეცნებითი ღონისძიებები გამართეს სხვადასხვა უნივერსიტეტების სტომატოლოგიური ფაკულტეტის სტუდენტებთან.სტუდენტური კონკურსის ფარგლებში IV-V კურსის სტუდენტებისთვის პაროდონტოლოგიის ძირითადად საფუძვლებზე რამდენიმე საგანმანათლებლო ლექცია ჩატარდა, ტესტისა და კლინიკურიქეისის განხილვის საფუძველზე შეირჩა გამარჯვებული. გამარჯვებულ სტუდენტს, ნია თევდორაშვილსკურასპეტის მიერ გადაეცა პრიზი, ერთ-ერთ ყველაზე მაღალრეიტინგულ ღონისძიებაზე - „ევროპერიო 2025“-ზე დასწრება, ავსტრიაში, ვენაში.ქ. თბილისის სტომატოლოგებისთვის ჩატარებულ კონფერენციაზე კურასეპტის ამბასადორმა ექიმმა, პაროდონტოლოგ-იმპლანტოლოგმა მატეო ბასომ წარადგინა თემა: “პაროდონტისა და იმპლანტის გარშემო ქსოვილების შეხორცების ახალი ინსტრუმენტები მინიმალური ინვაზიური მკურნალობისთვის” გაუზიარაკლინიკური კვლევები და ქეისები ქლორჰექსიდინის მოქმედების მექანიზმების შესახებ. კურასეპტის საერთაშორისო ოპერაციების დირექტორმა ანდრე ლემამ და რეგიონალურმა მენეჯერმა პატრიცია პულსონემ საინტერესო მიმოხილვით გააცნეს კომპანია კურასეპტი დამსწრე საზოგადოებას. კონფერენცია იტალიელი სტუმრებისა და ქართველი სტომატოლოგების გამოცდილების და შთაბეჭდილებების გაზიარებით დასრულდა.Curasept & PSP მხარდაჭერით წელს სპეციალისტებისთვის 2 განსხვავებული ღონისძიება ჩატარდა; საქართველოში ვიზიტის დასასრულს, იტალიის ელჩი საქართველოში, მასიმილიანო დ’ანტუონო იტალიური კომპანია Curasept-ის წარმომადგენლებს, საერთაშორისო პროექტების დირექტორ ანდრეა ლემასა დარეგიონულ მენეჯერ პატრიცია პულსონეს შეხვდა.
ხანძრის გამო, "ჰელსიკორის" პაციენტები თბილისის სხვადასხვა კლინიკაში გადაანაწილეს
რეგულაცია, რომელმაც იმუშავა - თამბაქოს კონტროლის კანონის ამოქმედებიდან 7 წელი გავიდა
თბილისის მერია წელს საქართველოს კურორტებზე დასასვენებლად შშმ ბავშვებისთვის 3 171 ვაუჩერს გასცემს
ჯანდაცვის სამინისტროში, გლობალურ ფონდთან თანამშრომლობის საკითხებზე, შეხვედრა გაიმართა
კლინიკებს კოვიდ-პანდემიის დროს დაკისრებული ჯარიმების დიდი ნაწილი ჩამოეწერება
